Greyhound Café (國際金融中心) (Closed)

坐完摩天輪，一行6人黎到ifc依間已訂位既cafe, 初初都以為係食甜點為主，但原來菜色十分多，主打泰國fusion菜。點左以下：小食：香草辣汁三文魚、炸單骨雞翼、炸粟米蟹肉餅主菜：冬蔭公湯河、泰式豬肉碎飯、大蝦炒貴刁、帶子大蝦墨魚汁麵甜品：椰子crepe cake、茫果crepe cake、Apple crumble推介香草辣汁三文魚，重點係個汁，香辣得來十分惹味，我地用食剩既汁點其他野就知幾咁出色！😋另外，墨魚汁麵都係相當出色，用左泰式炒法加入九層塔、鮮胡椒、辣椒等，個汁香口之餘食落麵條煙韌又有海鮮味，十分豐富，超正！👍🏼👍🏼👍🏼最後重點講既係甜品！依度最出名係crepe cake, 即千層蛋糕。我地嗌左鮮椰子同茫果味，cake入而夾雜著果肉同忌廉，果肉相當新鮮香甜(茫果冇酸味，唔似一d大型餅店既茫果千層蛋糕d茫果總有幾塊係酸⋯)。激鑽既係佢d忌廉做得好幼滑，甜度適中，食完冇「好heavy」既感覺，個人覺得椰子同忌廉相當夾！唔怪之好多人都極力推薦，名不虛傳。