敏華冰廳 (Mikiki)

Open Now

Now Closed

黎到敏華冰廳，每一次我只會叫一樣野！唔該幫我寫個黯然燒魂飯！敏華黯然銷魂飯即係一碟叉燒煎蛋飯，但佢同一般茶餐廳既叉燒煎蛋飯有絕對的分別。敏華既叉燒係用上自家製厚切梅頭豬肉，梅頭豬肉肉質夠腍軟、脂肪均稱兼無筋，每啖咬落去都係有嚼勁。叉燒面頭仲要有甜甜的香味，最令人驚喜既係，叉燒都會帶點「焦香」，真係啖啖香口。再配搭埋半熟流心荷包蛋，食既時候要篤穿蛋黃，流到飯粒之間，加埋佢哋自家製既頭抽同香蔥油，與金鳳香米混為一體，真係OMG!!! 記住一定要狠心拮穿隻蛋，等啲蛋黃滲入熱飯先係最高享受。