五味鳥居酒屋

Open Now

Now Closed

我第一次去五味鳥係響差唔多20年前，因為嗰陣時係跟朋友去，朋友係熟客所以都冇乜特別話黑面唔好招呼諸如此類嘅感覺。斷斷續續呢20年都有去幫襯，每次去都係即日book枱，近年去得比較頻密，因為有好幾個朋友都好鍾意飲酒，嗰度啲嘢好食，尤其是嗰度啲酒有料到，唔似其他嗰啲日本料理淡茂茂，都飲唔醉人，唔通真係酒不醉人人自醉咩！ 每個星期都會幫襯兩三晚，亦因為咁就係有生客變成熟客...試過好多間類似嘅居酒屋食串燒飲酒，最終都係覺得五味鳥最好食，氣氛最好，有幾好食有幾用心去準備有幾用心去燒唔再多講......好多唔同嘅報紙雜誌傳媒都見到好多對五味鳥惡劣嘅批評，我就覚得你有權唔去，人哋都有權唔做你生意，做生意嘅地方，你覚得佢哋態度差黑面係有原因嘅......調返轉好多食客要買服務，要食飽個肚，人哋係居酒屋，話明居酒屋就係飲酒嘅地方，你去到唔飲酒，其實都會阻住人哋做生意，所以我覺得啲人係去錯地方，並唔係人哋專登黑你面無禮貌......自己嘅熟客都做唔切，其實真係唔使理你地呢啲生客，一陣又腌尖腥悶，book咗枱又唔黎放飛機，到時真係得不償失⋯⋯起碼五味鳥唔會限住你食個半鐘就趕你走，唔會走來煩住你問你啲嘢啱唔