當下 (翠怡花園) (Closed)

今日過嚟青衣呢邊搵朋友，接佢放工之後梗係要同佢去依飽個肚啦，之後上網搵到呢間日本餐廳，味道好似唔錯就嚟試一試。首先環境好唔錯，地方寬闊，店員亦都好有禮貌地為我哋安排座位。店內仲有電視機，娛樂下都幾好。《黑松露枝豆》呢個係前菜，黑松露勁多勁香，食到停唔到好開胃！《刺身三切》我哋揀咗三文魚、帆立貝、八爪魚，好厚身同埋全部都好新鮮，食落又唔會凍冰冰！《牛油果軟殼蟹卷》首先卷物表面有好充足嘅沙律醬，非常邪惡，但唔多醬右邊好食呢，所以一啖過擺入口真係勁滿足，仲食到好脆身嘅軟殼蟹，配埋牛油果簡直絕配，口感非常好。《板煎芝士牛油帶子》估唔到份量咁多，目測有5粒，同埋勁多芝士，牛油香亦都好濃郁，但係放內阻帶子稍微有少少硬，所以上枱嘅時候要趁熱食。《蟹膏玉子燒》第一次食蟹膏味嘅玉子燒，首先玉子煎得非常軟嫩又好滑，亦唔會好散，蟹膏分量十足，性價比好高。《汁燒原隻日本魷魚》不得不讚呢個魷魚真係燒得好好，唔會好韌好硬，都幾爽口，有少少炭香味，表面嘅燒汁好夠，好好味。《免治雞肉棒》雞肉棒已經唔係第一次食，唔使講好好味！撈埋雞蛋真係正。 總括來講呢度服務好價錢唔算好貴，更重要係食物質素真係非常唔錯，來青衣值得