Video
Read full review
2021-04-25
309 views
麵鮮醬房周月既沾麵已經食左幾年，佢既吸引力真係唔洗多講，淨係門口果啲米芝連已經夠吸引人入去食，每次若果係食飯時間過去既話都係要等一等位，而今次都唔例外，畢竟係呢條街既好野食實在太多，佢的確係有返咁上下實力先可以站得住腳👍🏻👍🏻今次去到因為撞正午飯時間，基本上呢條街既食肆都要等位，而今次就等左30分鐘先有位～佢間鋪頭都係走日式拉麵鋪風格，以吧枱以主，係得最入面先有幾張大枱比人坐，成間鋪既面積唔算太大，所以等位既時間都會耐啲～今次一如以往地揀左周月沾麵，涼麵300g，個人認為食沾麵揀涼麵會比較好，因為免得熱麵的話會痴埋一舊，而涼麵即刻浸落沾麵汁依然都會保持彈牙，所以我通常都係揀涼麵的～而店舖亦有為客人提供口罩袋，方便大家無帶口罩袋又想袋好個口罩，呢樣野係抵讚的👍🏻周月沾麵（$96）首先個沾麵賣相已經唔錯，沾麵汁夠濃，而麵既光澤亦唔錯，尤其佢既麵比較粗，掛湯力較強，同埋佢既麵係自家製的，所以麵既質感係可以控制～而涼麵既溫度的確夠涼，浸落沾麵汁一食果時的確配合得好，涼麵變返熱既溫度但繼續可以保持彈牙爽口，的確係抵讚👍🏻而個沾麵汁先係靈魂所在，味道十分濃，唔會話係死咸果種，有啲人話食到周月個沾麵
今次去到因為撞正午飯時間，基本上呢條街既食肆都要等位，而今次就等左30分鐘先有位～
佢間鋪頭都係走日式拉麵鋪風格，以吧枱以主，係得最入面先有幾張大枱比人坐，成間鋪既面積唔算太大，所以等位既時間都會耐啲～
今次一如以往地揀左周月沾麵，涼麵300g，個人認為食沾麵揀涼麵會比較好，因為免得熱麵的話會痴埋一舊，而涼麵即刻浸落沾麵汁依然都會保持彈牙，所以我通常都係揀涼麵的～
而店舖亦有為客人提供口罩袋，方便大家無帶口罩袋又想袋好個口罩，呢樣野係抵讚的👍🏻
周月沾麵（$96）首先個沾麵賣相已經唔錯，沾麵汁夠濃，而麵既光澤亦唔錯，尤其佢既麵比較粗，掛湯力較強，同埋佢既麵係自家製的，所以麵既質感係可以控制～而涼麵既溫度的確夠涼，浸落沾麵汁一食果時的確配合得好，涼麵變返熱既溫度但繼續可以保持彈牙爽口，的確係抵讚👍🏻
而個沾麵汁先係靈魂所在，味道十分濃，唔會話係死咸果種，有啲人話食到周月個沾麵汁係帶小小酸，咁樣更加可以激發到沾麵汁既鮮味，而沾麵汁內有切成細粒既叉燒，亦食到有大地魚乾，我諗呢樣就係點解佢個沾麵汁咁鮮既原因，而沾麵汁即使有涼麵浸左落去都唔會即刻變凍，呢樣係十分重要👍🏻👍🏻
最後食完記得要叫店員加湯落沾麵汁度，咁樣飲個汁又有另一番風味😋😋
總結呢個沾麵絕對絕對係香港高質既沾麵，即使地點偏僻都一定要試下😋😋😋
Post
