惠 (Closed)

今次係上網見到好多人大讚嘅🇯🇵日本餐廳，所以就即刻book黎試吓。入到去餐廳服務員超有禮貌，細心講解餐牌。🌸入到去環境都真係幾靚，典型嘅日本餐廳，長長嘅吧枱，後面飾物櫃放咗一啲sake，望住廚師煮嘢食，真係令人賞心悅目。📸🐟大拖羅係吞拿魚入邊比較高質素嘅部位，佢嘅肉質係鬆軟，因為佢裏面嘅脂肪比例係非常高，入口即刻會有油香嘅味道。🐠🍣真錭壽司既魚肉真係比較鮮味，因為佢哋嘅生產量好少，所以都好難食得到嘅，係日本高端嘅魚類。🐟🍣吞拿魚醬油漬壽司佢嘅醃製方式係比較特別，所以同普通醬油係唔一樣嘅，獨特嘅醃製方式令到吞拿魚嘅鮮味大大提升。🍈靜岡蜜瓜係日本嘅水果，日本嘅水果不嬲品質都係好高，而且佢哋仲要係高質再細分。青色嘅果肉，就咁望囉表面就已經有好多汁，一咬落去啲果肉既汁多到流晒出嚟。