正宗上海生煎皇 (Closed)

我之前係新聞見到之前的歌星Oscar自已去內地學師，之後係旺角開了店"正宗上海生煎皇"。之前新開時都見到Oscar整生煎包，當然吸引吾少 人去試，當然其中一個係我啦....試過吾錯，多汁之餘肉味有返係度，皮又吾厚，仲有少少芝麻仲香口，所以評分都好好。今日難得2個人放假，途經旺角的生煎包原來男人一直都冇食過，咁當然入去試下（好耐都冇再食...)，入到去因為下午茶時間，有餐係一個飯之類加 個小食送杯飲品，大約40﹣50元。今次我地2個叫左炸排骨菜飯，生煎包x4個，餃子麵，汽水和豆漿。豆漿好水，冇豆漿味。似係用一杯沖二杯出黎的感覺。之後生煎包好快就黎了4個，但比我心目中差左，凍左，頂多只可說是少少暖，所以香口味已經沒有，肉汁還在，肉比之前細。炸排骨菜飯，菜飯油都粒粒都有油而吾香，菜切得好大，菜飯味係不合格。炸排骨我吾知炸粉去左邊，排骨底又係好多油，口感吾似排骨而似梅頭，食左一 半冇食。餃子麵一黎到餃子已經有一隻爛一隻包得吾好分開左。味道正常，麵係偏淋。今餐食左大約80元，有一半係冇食到，其實好味道好努力keep住才可以留到食客。