新蒸武門 (Closed)

餐廳叫做新蒸武門，令我諗起我嘅偶像李小龍！果然餐廳師傅真係食過下夜粥！整到好似私房菜咁好食！一坐低就有一杯養生花茶！我哋兩個人叫咗個A餐，貪佢乜都有啲，放假唔想用腦！脆皮墨魚條咬到一粒一粒嘅墨魚肉好有口感！冰鎮鮑魚鮑魚超入味！煮得啱啱好，好少何食到咁爽口嘅鮑魚！蟲草花燉豬展湯非常足料，咁多料燉出嚟嘅湯好難唔鮮甜！豉油王虎蝦虎蝦好大隻，豉油王炒夠獲氣！西蘭花炒龍躉球龍躉球幾新鮮，唔會覺得鯹！蟲草花荷葉蒸雞雞肉嫩滑，荷葉味好香！金菇蒸豆腐好滑溜嘅豆腐，啱老人家食！蕃茄雜菌蜆肉泡飯足料嘅泡飯，茄味香濃!啲飯好似係炸過，幾有口感！觀塘又一個新bookmarked食店！兩個人食真係大滿足！又可以食到唔同款式嘅菜式，推薦二人餐！