高麗韓國餐廳 (Closed)

三個人去點左三份午餐，前菜都係每款一小碟(見人多人少都係咁上下)，三個人一人夾兩箸都清晒。食韓燒食過唔少，無論香港定韓國，前菜白飯湯通常都可以添加，呢個都似乎都經已係不成文規定(講真食得你幾多? 俾面先食你)。就問左一個上左年紀既瘦身男侍應可唔可以加d前菜? 佢反問我地: “你估你食自助餐呀！？收你百零二百蚊果d咪任你加囉！”嘩! 無得添唔係問題，但個態度勁唔ok。我反駁佢話呢間係我唯一一間前菜無得添既餐廳，佢話咁你咪去果d囉，講完走左，勁無禮貌! d咁劣質既侍應真係同老細倒米。仲有，食物非常一般，d薄如紙既牛肉真係好難攤平燒，切到咁薄真係極高難度! 我一定唔會再食呢間!