Video
Read full review
2022-09-23
127 views
友人帶女朋友初次會面，本想book一間幫襯開嘅高質串燒店，可惜冇位😔 適逢星期五晚好難book枱，見呢間居酒屋仲有位就諗住膽粗粗去試吓，點知伏到一個點😰 食物質素差都不在話下，都仲可以話每個人嘅口味唔同😌 但服務質素真係差到不能😑 本人咁多年嚟從未寫過食評，但今次真係嬲到要寫千字文出嚟提醒其他人要慎入😓首先一去到店員帶我哋上樓上，我哋settle down左就先叫嘢飲😋 友人叫咗一杯啤酒，我要左一杯 highball，另外兩位朋友就叫咗由店員推介嘅 lime soda。啤酒嚟到，店員冇留意到枱面有凹凸不平嘅位置，仲一放低杯啤酒就鬆手，隨即成杯啤酒倒瀉晒😰 友人成腳濕晒，好彩係着短褲皮波鞋，否則就要噏住成晚食餐飯😪 事發後冇任何補償比我哋，只係轉頭上嚟抹返乾淨個地下，連紙巾都唔識俾我哋，都算啦當你係唔識做生意，我哋仲唔該前唔該後😪到點菜，由年青友人負責點菜，店員不停推介一啲貴價食物，無奈友人真係覺得唔啱食就一一婉拒😣 後來店員話有一款燒扇貝都幾好，友人就話都係唔啱，之後店員就話咁有一款帆立貝刺身都可以做串燒嘅，我就覺得有啲唔好意思所以就話，咁要兩串試吓啦😊 好啦點齊菜，我哋叫咗一個海葡萄
首先一去到店員帶我哋上樓上，我哋settle down左就先叫嘢飲😋 友人叫咗一杯啤酒，我要左一杯 highball，另外兩位朋友就叫咗由店員推介嘅 lime soda。啤酒嚟到，店員冇留意到枱面有凹凸不平嘅位置，仲一放低杯啤酒就鬆手，隨即成杯啤酒倒瀉晒😰 友人成腳濕晒，好彩係着短褲皮波鞋，否則就要噏住成晚食餐飯😪 事發後冇任何補償比我哋，只係轉頭上嚟抹返乾淨個地下，連紙巾都唔識俾我哋，都算啦當你係唔識做生意，我哋仲唔該前唔該後😪
到點菜，由年青友人負責點菜，店員不停推介一啲貴價食物，無奈友人真係覺得唔啱食就一一婉拒😣 後來店員話有一款燒扇貝都幾好，友人就話都係唔啱，之後店員就話咁有一款帆立貝刺身都可以做串燒嘅，我就覺得有啲唔好意思所以就話，咁要兩串試吓啦😊 好啦點齊菜，我哋叫咗一個海葡萄沙律，壽司拼盤，同埋一堆串燒同炸物，等咗50分鐘一樣嘢都冇食過，就連沙律都冇😰 我哋都冇投訴只係好禮貌地追過一次，店員就話廚房今日好忙，請稍等！OK, 一個鐘頭後終於有嘢食嚟喇，再講多一次食物好差都算數當係每個人口味唔同，但係食到一半店員就攞住兩隻燒扇貝過嚟同我哋講，唔好意思呀廚房整錯咗呢個燒扇貝俾你地無做到串燒帆立貝，咁我話唔緊要啦，我哋照要啦😊 而嗰隻扇貝係嚴重Overcooked 燒到又老又韌 🤮 都算啦，諗住呢間嘢又倒瀉嘢出菜又慢又出錯嘢都唔會有下次就費事出聲啦😔
食到大半又等咗好耐都仲爭三樣嘢未嚟，係壽司拼盤（壽司竟然係臨尾都未嚟😪）南瓜天婦羅，同埋芝士魚餅，咁我就同店員講可唔可以check 吓整咗呢三樣嘢未？如果未整我哋就唔等喇埋單喇，店員話要落去check吓，轉頭返上嚟當然係例牌話整緊啦😅 好，咁我哋又等埋，點知佢上完呢三樣嘢又攞一碟串燒帆立貝俾我哋，友人就問，頭先話廚房做錯咗出咗燒扇貝俾我哋啦喎，點解而家又上串燒帆立貝俾我哋嘅？店員就好不滿咁話，咁即係點樣呀？我就忍唔住出聲話，唔係點樣，我哋只係想搞清楚，因為頭先你哋話廚房做錯咗我哋嘅串燒帆立貝做咗燒扇貝俾我哋，咁我哋話唔緊要我哋照要，但你而家又出碟串燒帆立貝俾我哋，正常唔係應該廚房出錯咗就唔會再有串燒帆立貝嘅單咩，而家係我問你究竟點樣？店員又好串咁話，咁我要落去check吓先🙄 轉頭佢返上嚟，都未行到埋嚟我張枱就好晦氣咁樣大聲講話 「老闆話請喎！」，講完就即刻掉頭走咗去，佢係非常非常之冇禮貌😤 我即時火起😡😡但因為有新朋友喺度所以都冇拍枱嘈佢，只係心諗，咁樣嘅情況呢碟嘢你請都好合理吖，但係你使唔使咁樣嘅態度，我哋唔係乞兒唔係比唔起錢只係想搞清楚發生咩事先？唔需要你咁樣嘅態度去請我食呢碟咁嘅嘢😤😤😤 最後呢碟嘢我哋一粒都冇食過，我已經嬲到手都震要埋單走人，都費事等佢上嚟買單我直接黑住面咁衝落樓下 cashier 俾錢! 落到去我問佢收唔收 AE, 佢話唔收，我即刻攞張Visa出嚟，佢又問會唔會比現金呀，比現金有九五折喎（張單$1515），我話唔使喇我冇咁多 cash 喺度我比card 啦。呢個時候其中一位朋友行到落嚟聽到，就話我有現金喎我比啦，我猛話唔使啦唔使啦，呢餐講咗係我請㗎，我叫店員唔好收佢現金，講咗最少三次，但店員都扮聽唔到我講嘢咁堅持收咗我朋友現金😡😡😡
今時今日，千五蚊食餐飯比 card 埋單都好正常吧！你同個客講話俾現金有九五折，擺明就係將 Card Centre 要收你鋪頭嗰5% handling 轉駕落客人度要客人自己比啦，咁即係變相碌 card 要比貴啲，真係未去過一間餐廳咁樣🙄🙄 仲要客人已經話貴啲都唔俾現金講咗幾次佢都照收另一人嘅現金咁係咩玩法？？😓
最後埋完晒單我哋行咗出門口，就有個疑似老闆娘嘅人同我哋講話唔好意思呀吓我下次請返你哋飲兩杯酒吖，當時我已經氣沖沖行走咗，友人就話唔使啦唔會有下次，嗰位疑似老闆娘仲答佢，哦冇下次呀咁好呀唔好有下次！🤬🤬🤬 嘩，呢啲到底係咩 service 咩態度！
想講嘅係，四個人去居酒屋食晚飯，千五蚊確實真係唔貴，去開嘅同區高質串燒店可能要一個 Double 都唔止，但係我會食得開心滿足，錢俾得舒服！但係呢間嘢就算佢收張單嘅一半價錢我都覺得佢係唔值得！😤食完都背脊骨落 🤮🤬🤬 所以如果你想去試吓嘅，就請三思
Post
