Video
Read full review
2013-12-09
658 views
我地叫左5成熟牛排, 不過黎到一邊既側邊係燶既, 牛中間已經無咩粉紅色。所以同侍應生講:似乎有啲煮老左,呢塊差唔多全熟。佢拎走左一陣,第二個侍應拎返過黎話唔係全熟嫁喎。我答佢:我係叫五成嫁喎，呢塊好熟啦，已經好韌啦。佢話:先生呀,小姐呀,韌唔韌係肉質既問題。本來都諗住算,老實講如果食開八成既人,切左燶左少少既邊,真係唔會有咩問題。但係始終心入面唔舒服, 因為佢態度唔好啦,而且佢咁講咪即係佢話“我地肉質係有問題嫁啦”咁囂張?!所以照咁問佢, 佢答:小姐呀,牛肉有筋嫁。因為我地唔係講緊呢個問題,所以問多佢一次: 我意思係煮老左喎。佢只答我有筋多一次,而且肉又有pink 。我:但係我係叫五成(因為佢一直只話有筋,所以搵左張圖比佢睇)佢就話:“你唔洗比相我睇啦,如果你要咁細分，我唔會煮牛排比你啦。小姐呀,雞都有分新鮮雞,冰鮮雞,雪藏雞啦 ” 我話:我都唔係話要求要好靚既牛,不過我係只話佢煮老左。佢話:嗱我唔同你拗啦,我同你cancel左佢啦,不過就唔會再煮牛比你啦。最後我地唯有咦咦哦哦自己咁講話點可以咁講,咁即係咩意思。叫左其他野都廢事食就走啦。真係一句都無改過, 亦都無講過野蠻說話唔講出黎,
我地叫左5成熟牛排, 不過黎到一邊既側邊係燶既, 牛中間已經無咩粉紅色。所以同侍應生講:似乎有啲煮老左,呢塊差唔多全熟。
佢拎走左一陣,第二個侍應拎返過黎話唔係全熟嫁喎。我答佢:我係叫五成嫁喎，呢塊好熟啦，已經好韌啦。佢話:先生呀,小姐呀,韌唔韌係肉質既問題。
本來都諗住算,老實講如果食開八成既人,切左燶左少少既邊,真係唔會有咩問題。但係始終心入面唔舒服, 因為佢態度唔好啦,而且佢咁講咪即係佢話“我地肉質係有問題嫁啦”咁囂張?!
所以照咁問佢,
佢答:小姐呀,牛肉有筋嫁。
因為我地唔係講緊呢個問題,所以問多佢一次: 我意思係煮老左喎。
佢只答我有筋多一次,而且肉又有pink 。
我:但係我係叫五成(因為佢一直只話有筋,所以搵左張圖比佢睇)
佢就話:“你唔洗比相我睇啦,如果你要咁細分，我唔會煮牛排比你啦。小姐呀,雞都有分新鮮雞,冰鮮雞,雪藏雞啦 ”
我話:我都唔係話要求要好靚既牛,不過我係只話佢煮老左。
佢話:嗱我唔同你拗啦,我同你cancel左佢啦,不過就唔會再煮牛比你啦。
最後我地唯有咦咦哦哦自己咁講話點可以咁講,咁即係咩意思。叫左其他野都廢事食就走啦。
真係一句都無改過, 亦都無講過野蠻說話唔講出黎,事情真係咁誇張咁發生左。。
Post