Video
Read full review
2016-05-27
157 views
約了舊同事出黎聚聚，有住新界同九龍區的，選了大家都係一程車就到嘅荃灣，既然他倆也是韓粉，咁就食韓國菜啦，上開飯找找，見好多人堆呢間韓正屋，話好抵食，咁就黎呢度啦。六點半黎到，差不多全場爆滿，人氣很旺呀！看看餐牌，有二至四人套餐，散點亦十分多選擇，而且真得很便宜，在尖咀吃的話肯定要雙倍價錢，左揀右揀，還是散叫好了，太多小食想食啦。先送上麥茶，嘩，玩了一整天真的很口渴，喝杯茶感覺真不錯，麥茶味香濃。點了韓國的罐裝飲品，梨子汁，提子椰果同提子汁，香甜又夠凍。韓式壽司，細細件，一口一件啖啖食，飯夠綿，涼菜咸咸酸酸，幾開胃。泡菜煎餅，很喜歡食呢樣，幾乎去到邊都叫。呢度做得唔錯，薄薄的但食落每一口都有泡菜，酸酸辣辣味道不錯，而且煎得並不油膩。泡菜餃子，很香很脆，但沒有泡菜味，同一般餃子分別不大。泡菜炒年糕，年糕份量幾多，軟綿煙韌，但無乜配料，只有少許泡菜同一片魚糕。食到濃濃嘅韓式辣醬味，甜甜辣辣的，年糕吸哂啲醬幾好味喎。煎雞翼，呢味真係同韓國菜無乜關係，雞翼醃過而且煎得香口，皮脆肉嫩㗎，好有媽媽嘅味道。叫石頭窩飯附送的海帶湯，味道較淡。牛肉石窩飯，上枱時滋滋聲十分香，旁邊附上韓式辣醬自行搞拌，等到
六點半黎到，差不多全場爆滿，人氣很旺呀！看看餐牌，有二至四人套餐，散點亦十分多選擇，而且真得很便宜，在尖咀吃的話肯定要雙倍價錢，左揀右揀，還是散叫好了，太多小食想食啦。
先送上麥茶，嘩，玩了一整天真的很口渴，喝杯茶感覺真不錯，麥茶味香濃。
點了韓國的罐裝飲品，梨子汁，提子椰果同提子汁，香甜又夠凍。
韓式壽司，細細件，一口一件啖啖食，飯夠綿，涼菜咸咸酸酸，幾開胃。
泡菜煎餅，很喜歡食呢樣，幾乎去到邊都叫。呢度做得唔錯，薄薄的但食落每一口都有泡菜，酸酸辣辣味道不錯，而且煎得並不油膩。
泡菜餃子，很香很脆，但沒有泡菜味，同一般餃子分別不大。
泡菜炒年糕，年糕份量幾多，軟綿煙韌，但無乜配料，只有少許泡菜同一片魚糕。食到濃濃嘅韓式辣醬味，甜甜辣辣的，年糕吸哂啲醬幾好味喎。
煎雞翼，呢味真係同韓國菜無乜關係，雞翼醃過而且煎得香口，皮脆肉嫩㗎，好有媽媽嘅味道。
叫石頭窩飯附送的海帶湯，味道較淡。
牛肉石窩飯，上枱時滋滋聲十分香，旁邊附上韓式辣醬自行搞拌，等到有少少飯焦先搞啦～窩內當然有牛肉，仲有大豆芽菜，翠玉瓜，木耳絲，雞蛋等，賣相不錯。係時候搞亂佢啦，入面添加左芝麻更香了，飯綿綿的，每一口都有醬料同配菜，好正。
迷你部隊窩，叫嘅時候唔知有飯跟，仲係咁大碗！叫了正常辣，好紅啊，但食落又唔係好辣喎。窩內有腸仔，午餐肉，泡菜，豆腐，翠玉瓜，金菇等，都等係好多料，但湯底除左係好紅之外，其實無乜味，個人覺得可以再辣少少。
仲叫左鐵板牛仔骨，一客有三大塊，幾抵食喎，呢個都有白飯附送，又係點嘅時候無留意到……咁多邊食得哂，呢個白飯只好放棄了。講返牛仔骨，醃得好好味，甜甜地嘅燒汁味，又有濃濃嘅牛肉味，旁邊脂肪部分煎得甘香，入口雖然好多牛油但不膩，啖啖食好正。
叫左好多野，都係四百幾蚊，仲要食唔哂包走左。噢，原來全一免加一添。店雖然細，但都唔算迫，我地坐卡位都幾舒服。店員快人快語，食到咁上下仲幫手check單追廚房，幾有交帶吖，街坊小店有人情味，多啲黎幫襯先。
Post
