大排檔小炒 (金豐商業大廈)

Open Now

Now Closed

極力推介的港式小菜館，餐廳地方整齊清潔，有別於一般大排檔，加上各個小菜都超有鑊氣，味道又係水準之上，絶對會再encore!💗1. 蜜薯牛柳粒：牛柳粒肉質鮮嫩多汁，煮得入味，配上蜜汁薯仔香脆可口，味道甜甜鹹鹹好好食，每一淡都好滿足。😋2.椒鹽脆鮮魷：呢個係大排檔必選，永遠要食下炸野先開心。炸粉唔厚所以食落一d都唔油膩，外皮仲大keep到好脆，魷魚仲係好彈牙。3.大排檔小炒王：食小炒王最開心係好多配料，有腰果、蝦米、白飯魚、脆魷魚、菜脯同韭菜等，加埋醬油及糖等調味料快炒而成，味道比較重口味所以送飯一流。❤️❤️❤️4.砵仔焗魚腸：呢道小菜屋企未必會自己做，材料簡單只要魚腸、雞蛋同調味就得，焗的火喉要拿得好好，先可以做到面層好脆，內面的蛋又要好滑，不過呢個魚肚再多少少就正。5.BB乳鴿：經典廣東美食，烤乳鴿肉質鮮嫩，表皮香脆，甜甜鹹鹹味道香口，仲有蝦片送埋，好有心思。