酥妃皇后 (侯王道)

Open Now

Now Closed

真心覺得好好味！我食蛋撻一向都係食曲奇皮唔食酥皮，因為覺得酥皮好多油滲出嚟，而且如果酥皮做得唔好，啲皮會黐埋一齊，就會變成一塊又軟又油嘅皮。不過今次試過酥妃皇后嘅酥皮蛋撻之後，完全扭轉我對酥皮嘅感覺原來做得好嘅酥皮係可以咁好味！今日我買咗酥皮蛋撻，北海道鮮奶蛋撻，同埋一件朱古力嘅酥皮甜品（唔好意思忘記了件甜品叫咩名）。先講蛋撻，蛋撻嘅酥皮比裏面嘅蛋做得出色。個蛋撻我係隔咗大概20分鐘先食，但個酥皮居然仲係好乾身，好鬆脆而不油膩；而蛋撻嘅size比一般餅店大，蛋同酥皮比例亦做得好好朱古力酥皮甜品亦都為我帶來好大嘅驚喜。件蛋糕嘅外型設計做得好好，好吸引人。上層係有軟心朱古力，麥提莎，杏仁；中間夾住酥皮；再有朱古力慕絲（呢個慕絲唔輕身，口感係近似軟心朱古力）；最後底層係酥皮。見到件甜品咁靚，我本來係打算用刀叉去切開慢慢享用，但係原來我把膠刀係切唔開嘅於是我就乾脆用手拎起直接食用。甜品放入口第一啖咬落去覺得好有驚喜，唔明白點解個酥皮係可以咁鬆脆，真係會食到一層層，酥皮唔會被朱古力嘅濕度改變到佢嘅鬆化度。雖然佢上層嘅軟心朱古力同埋中層嘅朱古力慕絲份量好多，但係食落係唔會覺得好heavy，甜度非常