Little Tipsy Restaurant & Bar (Closed)

前排入觀塘搵朋友食飯佢介紹我食呢間Little Tipsy聽呢個名就醒起之前係大坑原來同佢食過又會咁啱觀塘都開咗😂呢到既裝修好有北歐風 好舒服既感覺 我地鍾意靜靜地就揀咗卡位坐可以Girls Talk先黎咗個蕃茄濃湯開咗個胃先 一陣再食好野24月巴馬火腿配無花果醬多士 $108無花果醬好特別 有少少酸酸甜甜加上火箭菜既甘味夾埋巴馬火腿味道幾特別慢煮西班牙黑毛豬配大蒜伴洋薏米$258用慢火既煮法慢慢將黑毛豬整熱 黑毛豬既肉唔會太硬同太乾咬口好軟綿綿 所以脂肪都好均勻配上洋薏米口感特別又係軟綿綿有似淋咗既米咁我比較鍾意最後我又點咗最愛既朱古力 唔洗諗揀朱古力就冇錯成餐飯就簡直無得彈