Page Common

Open Now

Now Closed

自從心血來潮好想食Tiramisu之後，就開始搵城中好食嘅Tiramisu，而最近嘅人氣款就係位於Page 148精品酒店嘅咖啡店Page Common。據網上資料話呢款甜品由咖啡店員工研究兼製作，特別以自家出品嘅咖啡浸泡手指餅，再加入mascarpone芝士，製成共有四層嘅Tiramisu，而呢款甜品吸引唔少人願意花時間排隊，溫提大家係每日限量呀！入座時，店員特別溫提有45分鐘用餐時間限制，所以想慢慢坐住同朋友傾計就難啲啦。Tiramisu $48呢個真係推介一個人自私食！賣相美觀，軟滑的口感散發濃濃的咖啡香，以及夾雜陣陣酒香，不會太甜，又不會沒有咖啡味，兩者平衡得剛剛好，忍唔住一口接一口，要同朋友分享？NO WAY！Caffe Americano $34咖啡質感醇厚，飲後亦帶有回甘，同Tiramisu亦好夾。Flat White $38咖啡味香濃，奶又好滑，入口好順喉，香氣、味道都非常細緻。檯上面仲有Hong Kong Coffee guide，大家等咖啡嘅時候可以睇，再發掘香港Cafe。