Video
Read full review
2016-06-27
12630 views
一行五人買左團購黎食宵夜放題，準時九點半先開始入人，啲人迫晒喺𨋢口，好迫。入到去即刻點野食，店員收ORDER紙時開埋爐，話開定個爐。點知等等等，等左二十分鐘啲野先開始黎，但未黎飲品，三催四催下半個鐘先黎飲品，已經好口渴。五個人只得一個爐，所以一定唔夠時間燒，唯有主要點一片片既牛，貪佢易熟，其他豬、雞都只係點左少少，一人輕嘗一兩舊。五個人叫係叫左下面咁少肉，但都燒唔晒，個爐仔太細，大家食得又急又少。食物質素非常非常高。同以前單點時既質素一樣，件數亦好足，唔會話你點某個量，就俾唔夠數。牛胸腹、大磨菇、活蛤都係必食項目。牛胸腹—香濃牛味牛油味，好出色。大磨菇—好香菇味，配上特色醬，一絕。活蛤—又白又大又滑又鮮甜，仲好新鮮，每隻都開口。仲有鴨胸 -- 同行有位嘴刁男士盛讚係地上最強鴨胸，味道的確係幾特別，只係第二次來的時候較咸。每人有一碟澳洲和牛。梗係好正好好味。每加$50可以UPGRADE一碟做。真係冇得彈，入口即溶。前排食只需要加$30，其實要加錢食唔緊要，但而家個質素比以前加$30個質素差好遠。只要對比下前幾篇食評既日本和牛，一睇啲紋理你就知。最後食埋雪糕，準時走人。今餐實在太回味、太超
入到去即刻點野食，店員收ORDER紙時開埋爐，話開定個爐。點知等等等，等左二十分鐘啲野先開始黎，但未黎飲品，三催四催下半個鐘先黎飲品，已經好口渴。五個人只得一個爐，所以一定唔夠時間燒，唯有主要點一片片既牛，貪佢易熟，其他豬、雞都只係點左少少，一人輕嘗一兩舊。五個人叫係叫左下面咁少肉，但都燒唔晒，個爐仔太細，大家食得又急又少。
食物質素非常非常高。同以前單點時既質素一樣，件數亦好足，唔會話你點某個量，就俾唔夠數。牛胸腹、大磨菇、活蛤都係必食項目。牛胸腹—香濃牛味牛油味，好出色。
大磨菇—好香菇味，配上特色醬，一絕。
活蛤—又白又大又滑又鮮甜，仲好新鮮，每隻都開口。
仲有鴨胸 -- 同行有位嘴刁男士盛讚係地上最強鴨胸，味道的確係幾特別，只係第二次來的時候較咸。
每人有一碟澳洲和牛。梗係好正好好味。
每加$50可以UPGRADE一碟做[日本愛賞鹿兒島和牛]。真係冇得彈，入口即溶。前排食只需要加$30，其實要加錢食唔緊要，但而家個質素比以前加$30個質素差好遠。只要對比下前幾篇食評既日本和牛，一睇啲紋理你就知。
最後食埋雪糕，準時走人。今餐實在太回味、太超值，大推。好快又會再黎食，但今次只會約一個朋友黎，二人一爐先可以享受到美味，唔駛唔夠食又爭住食。
Post
