龍城冰室

Open Now

Now Closed

今晚去銅鑼灣行街街，可能天氣太熱，想坐低飲杯凍飲，見到有間龍城冰室就在眼前，於是走入去飲番杯凍飲，點知被佢餐牌所吸引，最後決定食埋晚餐。🍴招牌鐵板黑椒牛柳 （跟羅宋湯）兩塊超厚牛柳放在熱辣辣的鐵板上，令到牛柳表面微微焦香，入面重可以保持軟嫰多汁，再配埋黑椒汁，令牛柳味道更香濃，增加口感層次，另外配上香滑焗薯，簡直係絕配。羅宋湯夠熱，裡面勁多料，而味道酸甜恰到好處。🍴焗蕃茄牛脷飯呢個牛脷飯夠晒大份，牛脷有五大塊，而且口感夠晒軟嫩和Q彈。焗烤過嘅蕃茄醬和芝士更加濃郁，酸酸甜甜，令到胃口大開。🍴芝士流心西多士呢個西多士極度邪惡，流心芝士係呢個西多士嘅關鍵，當用刀切開西多士嗰陣，芝士蓉慢慢流出，再配以香甜糖槳，有多層豐富口感。🥤 雜果賓治呢杯雜果賓治夠晒大杯，而且雜果份量好多，口感清新爽口，仲有七喜汽水嘅泡泡感覺，飲落簡直透心涼。🥤 凍檸賓呢杯份量夠晒大杯，整體感覺清新酸甜，而且夠晒透心涼。