Video
Read full review
2020-03-14
45 views
今日約咗朋友食飯， 行經平日人來人往嘅女人街（通菜街）， 現在人流比較少， 可以唔使太匆忙慢慢行，發覺原來平時被檔口遮住嘅地舖有唔少嘅餐廳， 間間都好似幾有特色。行到去近油麻地嗰邊， 個friend就畀 一間專門食石板燒牛肉餐廳吸引著， 而對價錢比較敏感嘅我則因為看見餐牌價錢 而停下腳步～ 一客最少有成百幾g嘅石燒牛肉價錢都不過 一百蚊鬆啲， 其他扒類有雞， 黑毛豬腩肉或鲭魚都只係六，七十， 仲要包括前菜， 湯，飯任食。完全唔需要考慮推咗個friend入去～當然格局就唔可以要求氣氛， 不過簡簡單單乾淨企理 已經非常ok。更有圍裙圍裙提供畀顧客， 唔使煎肉嘅時候啲油濺到， 非常貼心。去前菜，調味料區望吓先。有蒜蓉，牛油和各式醬油，燒汁。 前菜只有一款冷麵， 雖然很幼細乾身， 但好明顯是中式生麵而且比較硬， 加了麻醬都搞唔掂。其餘還有翠玉瓜，韭菜 ，菇片等等可以放上石板燒。白飯也是自取，仲可以加添紫菜碎， 唔怕唔夠飽～湯品有羅宋湯。。 以為會有味噌湯。。 ok嘅微微酸唔係好多料～研究完出面嘅配菜， 主角終於出場！牛肩肉眼 $80/180g选了 basic重量，竟比預期中夠份量！熱石極高溫已
今日約咗朋友食飯， 行經平日人來人往嘅女人街（通菜街）， 現在人流比較少， 可以唔使太匆忙慢慢行，發覺原來平時被檔口遮住嘅地舖有唔少嘅餐廳， 間間都好似幾有特色。
行到去近油麻地嗰邊， 個friend就畀 一間專門食石板燒牛肉餐廳吸引著， 而對價錢比較敏感嘅我則因為看見餐牌價錢 而停下腳步～ 一客最少有成百幾g嘅石燒牛肉價錢都不過 一百蚊鬆啲， 其他扒類有雞， 黑毛豬腩肉或鲭魚都只係六，七十， 仲要包括前菜， 湯，飯任食。
完全唔需要考慮推咗個friend入去～
當然格局就唔可以要求氣氛， 不過簡簡單單乾淨企理 已經非常ok。
更有圍裙圍裙提供畀顧客， 唔使煎肉嘅時候啲油濺到， 非常貼心。
去前菜，調味料區望吓先。
有蒜蓉，牛油和各式醬油，燒汁。 前菜只有一款冷麵， 雖然很幼細乾身， 但好明顯是中式生麵而且比較硬， 加了麻醬都搞唔掂。
其餘還有翠玉瓜，韭菜 ，菇片等等可以放上石板燒。
白飯也是自取，仲可以加添紫菜碎， 唔怕唔夠飽～
湯品有羅宋湯。。 以為會有味噌湯。。 ok嘅微微酸唔係好多料～
研究完出面嘅配菜， 主角終於出場！
牛肩肉眼 $80/180g
选了 basic重量，竟比預期中夠份量！
熱石極高溫已經把厚厚的肉眼煎至兩成熟。
冇調味嘅肉眼， 味道原形畢露冇得掩飾， 感覺真正嘅鋸扒， 使用了鋒利嘅尖刀鋸了很久很深～ 每一件都可以自己控制， 切粒，切條，切小塊～ 切厚，切薄，四成，六成，全熟。。D. I. Y. 真係特別滋味又過癮。 肉質好天然， 簡單加上岩鹽已帶出肉質鮮味， 甘香柔软， 加上燒汁又唔同食法，甜甜地 有日式燒肉屋feel。
襯塊板仲熱嘅時候 快啲加其它配菜燒～
哈哈放番刚才硬繃繃嘅冷面上去再加啲牛油再加少少烧汁效果唔錯喎！
牛柳 $120/200g
感覺多一點嘅脂肪， 更加甘香有肉味。
石板 比鐵板更加耐熱持久， 食到最後嘅一塊肉都係暖嘅！👍👍
Like 社交平台仲有布甸甜品送
今晚新發現竟然有咁平民嘅石燒板專門店，仲有得自選熟成度👍👍， 而且唔收加一😀 比連鎖快餐店鐵板餐更抵食更高質！！
Post
