Video
Read full review
2021-06-06
4860 views
早前去了好多靚景觀的餐廳，當中有機場景、維港兩岸景與及同幾千條魚一齊用餐的餐廳，涵括了香港島及離島，其實細心一搵，新界同樣有靚絕的地點。早兩年曾經係沙田萬怡酒店的私屬空間「 Presidential Suite」用餐，由於房間前身是總統套房，經改動後，偌大的地方，中間只放置了一張大檯，所以非常闊落，而且大廳有落地玻璃，推開門出去，是個小小的露台，居高臨下是城門河的景色，晚上遠處燈光有若繁星，又是另一番景致。其實在同一樓層有「LEVELthirty」，亦有相連的小露台，景色更佳，因為可以遠眺沙田馬場，而晚上吐露港公路汽車飛馳，車燈晃動搖擺，更加好似睇緊動畫。今次特意找來兩張舊照，讓大家欣賞一下夜色。由於是跟朋友聚舊，只簡單的試了幾個菜色。鮮蟹皇玉子西施蛋白 表面蓋滿了香滑的蟹皇，入口豐腴滑溜，下面是蒸得滑溜的蛋白，火喉拿捏一流。脆皮古方釀遼參 · 酸梅小方豚肉遼參泡浸得透，毫無異味，釀入蝦膠之後上脆漿再炸，脆漿只是薄薄的一層，而且油份瀝得清，相當討好，蝦膠又彈牙，真係要用刀叉慢慢品嚐。另一件豬腩肉層層相間，冰肉位炆至有入口即溶的感覺，用上酸梅令人口感不會覺得太油膩，好有濃油赤醬的風味，但
早前去了好多靚景觀的餐廳，當中有機場景、維港兩岸景與及同幾千條魚一齊用餐的餐廳，涵括了香港島及離島，其實細心一搵，新界同樣有靚絕的地點。
早兩年曾經係沙田萬怡酒店的私屬空間「 Presidential Suite」用餐，由於房間前身是總統套房，經改動後，偌大的地方，中間只放置了一張大檯，所以非常闊落，而且大廳有落地玻璃，推開門出去，是個小小的露台，居高臨下是城門河的景色，晚上遠處燈光有若繁星，又是另一番景致。
其實在同一樓層有「LEVELthirty」，亦有相連的小露台，景色更佳，因為可以遠眺沙田馬場，而晚上吐露港公路汽車飛馳，車燈晃動搖擺，更加好似睇緊動畫。
今次特意找來兩張舊照，讓大家欣賞一下夜色。由於是跟朋友聚舊，只簡單的試了幾個菜色。
鮮蟹皇玉子西施蛋白表面蓋滿了香滑的蟹皇，入口豐腴滑溜，下面是蒸得滑溜的蛋白，火喉拿捏一流。
脆皮古方釀遼參 · 酸梅小方豚肉
遼參泡浸得透，毫無異味，釀入蝦膠之後上脆漿再炸，脆漿只是薄薄的一層，而且油份瀝得清，相當討好，蝦膠又彈牙，真係要用刀叉慢慢品嚐。
另一件豬腩肉層層相間，冰肉位炆至有入口即溶的感覺，用上酸梅令人口感不會覺得太油膩，好有濃油赤醬的風味，但我好想講句~「比碗白飯我吖，唔該！」
椰香喇沙虎蝦未上檯已傳來陣陣喇沙的香氣，原隻大虎蝦放在烤至焦糖化的洋蔥上，喇沙帶微辣，既香且甜，將蝦肉蘸上醬汁一齊食，簡直人間美味，堅好食，當然不能忽視置底的洋蔥，同樣散發甜美的味道，我鍾意。
其實餐廳仲有好多菜色，若果想有私屬空間，靜靜地喝上一杯，而菜色又有驚喜的，大家可以考慮下「 Presidential Suite」！
Post
