Platform (Closed)

曾幾何時去過大圍幾次，感覺好似冇乜特別野食咁，幾年後，大圍呢個地方已經有不少新開的小店，今次發現到位於村入面的platform,都幾得意，呢到好多食肆開係地下，而樓上就係住既，感覺很好，呢到好悠閒，人亦不會很多，到呢到時已經有數人在等待中，我地拎左飛登記，有位女士通知我地要等約30分鐘或以上， 咁都入左黎大圍，點都會等既，30分鐘後，電話打黎通知有位啦，坐窗口位，都好，店內環境好舒服，我地叫左一杯cheese latte同matcha latte, cheese latte 外貌好靚，中心位置有一pat芝士，我第一次飲咁特別既latte，真係超好飲，cheese 鹹鹹地，十分香濃，而latte係苦苦地，mix埋飲好夾！至於杯matcha latte拉花圖案十分漂亮，而且不易化開，上層下層的綠色好分明，奶泡很綿密很幼滑，奶味香濃，抺茶味回甘，不會過甜，比例調配很好很有質素的latte店員服務亦不錯，悠閒的下午時光總是美好的。