三和敘

Open Now

Now Closed

星期六約咗友人喺九龍城食lunch，行到福佬村道見到間門面好靚嘅日本餐廳。原來呢度有Weekend Late Lunch set，見menu啲嘢食幾吸引就決定豪食一餐。先點咗杯紅酒嘆下，口感較溫和易入口。季節刺身盛合有四種共六件。左口魚裙邊 - 口感爽脆赤身拖羅 - 肉質較實大拖羅 - 油脂感重，好肥美深海池魚腩 - 味道鮮甜爽口主菜我揀咗龍蝦鐵板燒，龍蝦雖然唔係好大隻但啲肉都幾多，肉質彈牙味道好鮮甜，配上切片白蘑菇一齊食好好味。伴隨嘅沙律菜好清新。友人揀咗和牛鐵板薄燒，和牛包住香蔥等配料一齊食減輕油膩感，同埋烤麵包一齊食好惹味。飯麵類我揀了天婦羅飯套餐，即叫即炸熱辣辣，炸粉好薄好脆，中間食物炸得啱啱好。友人揀咗迷你飯麵兩種，分別係炭燒鰻魚飯同野菜稻庭鳥冬。燒鰻魚係師傅即刻燒，味道好香，魚肉嫩滑。野菜稻庭鳥冬味道清新最後嘅甜品係芒果芝士蛋糕，入口綿滑，芒果味好濃，超好味！舒適環境，食材新鮮，服務真誠，用心製作，小酌一杯，享受人生，與友一叙，優越餐廳。