Good Good (Closed)

.【西營盤】GOOD GOOD — 1️⃣黑芝麻麻糬蛋糕配豆腐雪糕、味噌焦糖醬2️⃣菠蘿黑胡椒芝士蛋糕3️⃣無花果焙茶忌廉蛋糕.以「家」為概念嘅餐廳，懷著為家人料理嘅心情，為每位客人烹調出屬於呢間餐廳嘅家的味道。呢個就係GOOD GOOD對烹調嘅理念。.餐廳採用日式設計，木製敞門上配上磨沙玻璃，感覺既日式又懷舊。地下採用開放式廚房設計，廚房前亦有設置木制吧枱同高腳凳俾客人用餐。行上灰色樓梯上到二樓，木製傢俬配搭柔和燈光，營造出輕鬆感覺，彷如置身家一樣。.今次Ball就試左佢地3樣甜品，黑芝麻麻糬蛋糕配豆腐雪糕、味噌焦糖醬、菠蘿黑胡椒芝士蛋糕同無花果焙茶忌廉蛋糕。.黑芝麻麻糬蛋糕煙煙韌韌，充滿濃濃黑芝麻香味。濃郁豆香嘅豆腐雪糕配上香濃味噌焦糖醬，令人感覺耳目一新，而且焦糖味唔會過甜，有味噌鹹香味中和返。.菠蘿黑胡椒芝士蛋糕配搭十分新鮮，芝士蛋糕表面有一層黑胡椒，中間包裹住菠蘿果肉。食落去既可以食到芝士蛋糕嘅香濃芝士味，仲食到胡椒嘅辛辣味同菠蘿嘅香甜，味道豐富，令人難忘。.雖然焙茶蛋糕看似普通，但亦都見餐廳用心去烹調。每一啖蛋糕可以到濃濃嘅焙茶味，就連忌廉有濃厚嘅焙茶味。不過，美中不足嘅係無花果冇乜味