Video
Read full review
2017-06-08
78 views
這家甜點店係你最喜歡嘅甜品店，如耐之前，妳有次行見到，打電話俾我"哎呀我好想食呀但係＄45條好貴呀!!" 我話"你好窮咩，咪食囉!" "我唔捨得啊" 妳最後去左IKEA 食雪糕，真係唔講以為你活在貧窮線之下。。到之後你公司附近開咗間pop up store，第一日你特登去，買比妳喜歡嘅男仔食。點知原來人哋放咗假，你死死地氣咁帶返屋企。我心諗"乜家下仲有d咁嘅人，捨得買兩條比人，自己一啖都唔捨得食，人地搵得多過你N倍，洗你買咩" "咁如果人哋有返工攞咗個兩條，你食咩啊？" 妳答"無咖，唔捨得，哈哈" ，我開始覺得你係低能嘅到有一排，我發現你冇再成日好似小朋友咁望住個閃電泡芙嘅雪櫃依依不捨，我好奇一問，原來發生左d 事，令到你想逃避呢條閃電泡芙，唔去食去望。就好似妳掉左對著左兩次都無嘅波鞋，掉左朋友送的手錶。。。。有d咩可以令到妳一反常態？連最鍾意食嘅泡芙，只要望到都會開心笑的泡芙都唔食？你從來冇提過。今日咁啱發現左呢間閃電泡芙係度開咗分店，令我諗起任性的妳。呢度大到可以俾你跳舞，座位舒適，裝修簡潔，仲多咗好多飲品。你咁鍾意做facial，做完Facial行過嚟食完啱啱好。如果你泥到一定會
我話"你好窮咩，咪食囉!"
"我唔捨得啊" 妳最後去左IKEA 食雪糕，真係唔講以為你活在貧窮線之下。。
到之後你公司附近開咗間pop up store，第一日你特登去，買比妳喜歡嘅男仔食。點知原來人哋放咗假，你死死地氣咁帶返屋企。
我心諗"乜家下仲有d咁嘅人，捨得買兩條比人，自己一啖都唔捨得食，人地搵得多過你N倍，洗你買咩" "咁如果人哋有返工攞咗個兩條，你食咩啊？"
妳答"無咖，唔捨得，哈哈" ，我開始覺得你係低能嘅
到有一排，我發現你冇再成日好似小朋友咁望住個閃電泡芙嘅雪櫃依依不捨，我好奇一問，原來發生左d 事，令到你想逃避呢條閃電泡芙，唔去食去望。
就好似妳掉左對著左兩次都無嘅波鞋，掉左朋友送的手錶。。。。有d咩可以令到妳一反常態？連最鍾意食嘅泡芙，只要望到都會開心笑的泡芙都唔食？你從來冇提過。
今日咁啱發現左呢間閃電泡芙係度開咗分店，令我諗起任性的妳。呢度大到可以俾你跳舞，座位舒適，裝修簡潔，仲多咗好多飲品。你咁鍾意做facial，做完Facial行過嚟食完啱啱好。
如果你泥到一定會由對面舖開始跑入去，然後如數家珍咁"1號海鹽焦糖好正咖，外邊有啲爆炸糖好得意架！" 然後"上次食過至尊黑朱古力117 真係好濃郁啊" 然後 "我好想試呢個呢個呢個，成日都賣曬嘅。。。" 同小朋友係無分別。
我今次叫咗3號雲呢拿果仁，呢個我曾經聽你大贊，的確香滑嘅雲呢拿忌廉配上呢個泡芙，外邊嘅焦糖唔會太甜，食落好balance .
我仲點左你另外一個極力推薦嘅144抹茶，原來呢一個係香港特別獨家推出，淡淡的抹茶口味，分外精彩。
258嘅雲呢拿紅桑子，唔會太甜雲呢拿同紅桑子配搭口感柔滑。
117至尊黑朱古力，最適合朱古力擁躉，忌廉做得細滑入口朱古力味散發口腔。
依家仲推出左妳好鍾意嘅法式貝殼蛋糕，我都特登買咗四個，妳又會望住流口水。。。見係你聽日帶兩個放係你枱面送俾你做早餐啦！
曾經，你笑説要食晒咁多個號碼嘅閃電泡芙，家下由pop up 變咗做坐得更舒服嘅店，喜愛閃電泡芙嘅你哋點可以忍到口？
Post
