Cafe REVOL

Open Now

Now Closed

放假一個人時總喜歡搵間Cafe坐低慢活下，比自己好好放鬆，今日遊到黎佐敦，走入細街內竟然發掘到一間食完無限滿足的鋪。青醬北海道帆立貝風乾茄意粉 $135青醬羅勒味突出，絕對唔係煮好醬汁就咁MIX埋意粉煮可以比。用上磨碎既羅勒葉，配上蒜、洋蔥炒香，配上煎香三大粒飽滿鮮味，肉一絲絲既帆立貝+彈牙有韌性意粉，驚喜既係配搭既風乾茄咸香味十足，非常誠意之作。日式培茶鮮奶 $48經過大炒既培茶較深色，配上鮮奶就如日本式既奶茶，當然與港式奶茶味道大不同，清爽無苦澀味，稍覺得奶比例可能較多，如茶味更突出會更理想。總括：店舖室內約十張枱，亦有數個户外位置供選擇。餐具、水、醬料放小櫃供客人自取。柔和燈光配上輕快音樂，環境輕鬆。值得一提員工們服務態度都好友善。