泰金香小廚 (Moved) New Location

在一個住宅地區，一條人煙疏落的街上，一個破落的門面，室內的裝潢亦是不值一提…偏偏在這裏，找到令我會心微笑的泰菜，即使只有一個人也會間中來尋開心。食過很多次，不是所有菜式都做得好，就是喜歡以下幾道，百吃不厭：烤蒜蓉雞-呢度既海南雞, 吾洗點汁點醬都好夠味, 烤蒜蓉雞更是一絕。一上檯，炭烤既香味撲鼻而來，佢地用黃油雞，烤出黎金黃色, 吾似好多地方既雞"面無黃色"咬下去, 雞皮少少乾帶少少脆,肉味濃, 質感油潤, 蒜蓉味滲出黎而你又吾會咬到蒜蓉配白飯/油飯都一流!柚子沙律-有心思之作, 皆因佢入面除柚子外有蝦, 蕃茄, 烤椰子絲, 乾蔥, 迷你蝦乾仔, tamarind chili sauce, 口感同味道之豐富非筆墨能形容, 酸甜辣香集於一身!係其他地方食咪柚子撈1-2樣材料加個sauce就算...椰汁雞湯-飲落似冬陰雞加椰汁, 酸辣一樣甘出, 加濃濃椰香, 係要好似紅酒甘逐啖品嘗既湯。內有雞肉草菇等, 再找就見到香料如南薑香茅,絕無欺場。