紅磡冰室 (Closed)

又到每星期要上課的一晚，喺附近找間茶餐廳填飽個肚才作戰。今次來到這冰室，本來期望有甚麼驚喜，只求普通一頓晚餐，估唔到......時間尚早唔多人，入內找到二人卡位，我一個人坐下也ok吧，掙扎咗一輪，想食炒飯也想食炒粉麵，最終揀咗香港人最邪惡的乾炒牛河，加$6有熱飲。呢個牛河即叫即炒，好香好香好香，驚喜係勁大碟，廚師一啲都唔吝嗇，牛肉份量都好多，河粉炒得唔算肥。牛肉有口感得嚟唔會韌，且好入味，只係有一兩件有筋，表現屬中上水準，一口氣食晒，正！跟住要評一評個熱奶茶，唔落糖試下個真味，茶夠濃，奶夠香，不錯不錯。以咁嘅價錢喺尖沙咀吃到一餐美味的晚膳已經好滿意啦。