辻利茶舗 (Closed)

我都知,對於搶食方面,我絕對冇香港人嗰種誓要「搶頭啖湯」嘅狗衝精神,就好似呢間開咗都頗長時間嘅百年老店辻利茶舖,我都係今時今日先至第一次幫襯。熱潮過去之後,已經再冇人排隊,想去食就直接入座,APM呢間分店座位不多,客人亦都寥寥可數。餐牌就喺cashier旁邊嘅多眼之處,睇啱食乜就直接付款買單,方便得尤如快餐店一樣。左顧右盼之後,決定點一啲自己平時比較小食嘅食物,嚟滿足吓自己嘅好奇心同埋新鮮感我自己嘅胃口嚟講,通常一餐輕食都足夠飽肚而又不失營養,所以見到呢個抹茶芝士餐肉三文治,好似幾特別,叫一份試下,另外再嗌咗杯熱嘅焙茶拿鐵,細杯裝已經足夠。買好單之後,店員就會俾一個警報器你,因為食物製作需時,整好咗佢就會響㗎喇,咁我就揀咗個卡位坐低,舒舒服服咁,準備用膳。店員首先遞來咖啡,百年老店的確有品質保證,宇治抹茶味道清香甘甜,絕無一點苦澀或粗嚡。焙茶拿鐵打至起泡,入口香滑細緻,絕對係高級享受,$32蚊一杯亦不為過,而因為我叫咗份三文治,叫呢杯飲品只需$22蚊就可以喇十分鐘唔洗,抹茶芝士餐肉三文治都叫我了,一份切開為二,對女士嚟講都仍然有一絲困難一啖咬開,不過我都出盡其力,為食好嘢連儀態都暫時不