善茶 (Closed)

近期台式飲品開到成行成市， 但其實本地飲品亦唔輸蝕。要講本地飲品就不能不提香港嘅絲襪奶茶。細時見到茶餐廳嘅水吧師傅拉絲襪奶茶已經覺得好勁！ 因為要拉一杯又香又滑嘅絲襪奶茶真係一啲都唔容易㗎， 好懷念。 我發現一間専做外賣嘅飲品店，就位於尖沙咀嘅「喜茶」。 佢俾到我細時嘅感覺。它以絲襪奶茶為主打飲品， 味道傳統， 茶香撲鼻， 口感香滑， 茶味同奶嘅比例控制得恰到好處，真係一試難忘！ 加上珍珠嘅港色奶茶， 珍珠口感煙韌有咬囗， 入口彈牙，軟硬程度適中， 囗感豐富好食。 飲善茶仲可以做善事， 每買一杯善茶嘅飲品， 佢哋就會捐一蚊去做益慈善，十分有善心。佢哋嘅奶茶仲可以加入各種各樣嘅口味變得更豐富， 例如朱古力、焦糖、椰汁椰果等。飲品款式不少， 仲可以自選少冰或走冰及不同程度嘅甜度，為傳統奶茶帶來新鮮感。