金山海鮮酒家

Open Now

Now Closed

約咗幾個老友喺佐敦食晚飯，訂咗枱喺莊士彌敦廣場嘅金山海鮮酒家食懷舊菜。訂咗七點，不過6:30上到去都俾到枱我哋。先嚟半隻燒鵝，醃得好入味，不過略嫌鵝皮唔夠脆，同埋冇蠟燭熱住佢，食到後半段有少少凍咗。跟住叫咗碟炸大腸，唔使花巧，洗乾淨同炸脆佢就上碟，脆卜卜，正！ 老友介紹焗魚腸，我覺得中上水準，上面雞蛋香脆，下面啲魚腸好足料，落咗少少胡椒粉辟腥，有埋芫荽就冇得頂啦。再嚟幾碟小菜，小炒王、蒸肉餅同埋啫啫雞雜煲都非常有水準，味道唔會太濃，攞嚟送酒同埋送飯都係一流嘅配搭。埋單前仲送咗碟炸蛋散，都幾鬆化，糖醬又唔係太甜，卒之又食哂。其實呢座大廈都有好多各類型嘅食肆，可以逐一去品嘗。