龍泉冰室 (Closed)

OpenRice嘅好處就係啱晒我呢啲選擇困難症嘅朋友，落巴士趕住食早餐唔知邊間好即刻開OpenRice嚟睇，附近最高分嘅係呢一間，於是就入去坐低，款式都好多，叫咗經典沙嗲牛肉包，印象中出面真係比較少見，記得食過一次就係喺上環科記。個包一上枱，感覺上味道麻麻，因為個沙嗲汁唔係好沙嗲，比較深色，你睇幅相就知道，不過食落又唔錯喎，咁果汁確實係差嘅，冇乜沙嗲味，而且真係太多汁，一路食一路流出來，搞到成手都係，不過d牛肉比想像中好，新鮮度同質素都OK，不過最值得讚嘅就係嗰包，竟然係熱辣辣，唔係求求期期攝啲牛肉落個包入邊淋啲汁就出比客食，唔錯。