Video
Read full review
2024-03-21
1400 views
睇到網上一篇文章，話扒王之王執咗笠。我細個嗰陣好鍾意食扒王之王，所以聽到呢個消息都幾失望。點知過咗一排，我又喺網上見到有人話扒王之王其實冇執，只係搬咗去新填地街。咁我就趁住有機會，去咗新填地街嗰間扒王之王試吓。新填地街嘅一棟舊樓上，門口有個大大個嘅中文書法字招牌，仲有霓虹光管招牌，好有香港風味。餐廳入面嘅裝修都幾簡單，不過坐得幾舒服。我點咗份美國頂級安格斯有骨肉眼，女友小熊點咗頂級西冷，兩份都係7成熟，都係黑椒汁。待應問我哋要鐵板上定碟上，我哋當然揀咗鐵板上。鐵板發出獨有嘅「咋咋」聲，而且夠熱，唔會凍冰冰。紅白餐湯雖然質感比較水，但味道唔算淡，合格啦！伴碟用上粟米粒，雖然唔係我愛嘅三色豆，但總好過俾半個蕃茄或西蘭花或椰菜。有啲扒房，件扒又醃過，汁又味濃，結果一併埋就過鹹。但今次幫襯扒王之王，兩件扒都無醃過，黑椒汁味道適中，唔會過鹹而且惹味。有啲餐廳幫你淋啲汁上鐵板，但我中意切完件牛扒先上啲汁上，扒王之王係後者，夾自己習慣。頂級西冷肉質鬆軟，讚！
點知過咗一排，我又喺網上見到有人話扒王之王其實冇執，只係搬咗去新填地街。咁我就趁住有機會，去咗新填地街嗰間扒王之王試吓。新填地街嘅一棟舊樓上，門口有個大大個嘅中文書法字招牌，仲有霓虹光管招牌，好有香港風味。
餐廳入面嘅裝修都幾簡單，不過坐得幾舒服。我點咗份美國頂級安格斯有骨肉眼，女友小熊點咗頂級西冷，兩份都係7成熟，都係黑椒汁。
待應問我哋要鐵板上定碟上，我哋當然揀咗鐵板上。鐵板發出獨有嘅「咋咋」聲，而且夠熱，唔會凍冰冰。紅白餐湯雖然質感比較水，但味道唔算淡，合格啦！伴碟用上粟米粒，雖然唔係我愛嘅三色豆，但總好過俾半個蕃茄或西蘭花或椰菜。有啲扒房，件扒又醃過，汁又味濃，結果一併埋就過鹹。但今次幫襯扒王之王，兩件扒都無醃過，黑椒汁味道適中，唔會過鹹而且惹味。有啲餐廳幫你淋啲汁上鐵板，但我中意切完件牛扒先上啲汁上，扒王之王係後者，夾自己習慣。頂級西冷肉質鬆軟，讚！
Post