打鑊甘火鍋串燒 (Closed)

尋晚放工去咗北角渣華道市政大廈嘅「打鑊甘火鍋串燒」品嚐經典港式火鍋🍲食店雖然位於市政大廈內，但環境都幾乾淨企理餐牌上除左精選火鍋湯底及配料，另外仲有港式串燒，選擇豐富豬軟骨蕃茄濃湯湯底裏面除咗有豬軟骨之外，仲有蕃茄、紅蘿蔔、薯仔🥔、芹菜等等，幾足料，蕃茄湯清甜不油膩招牌四寶丸每款四寶丸各有四粒～分別有鯪魚、墨魚、豬肉、蝦丸。鯪魚丸同豬肉丸啖啖肉，無添加味精👍🏻手打墨魚丸同蝦丸都好爽口彈牙，充滿鮮味第二韭菜餃拼雲吞韭菜餃都幾大粒，外皮厚薄適中，韭菜豬肉餡料鮮味十足！雲吞成粒乒乓波咁大，裏面有豬肉同蝦肉，好好食鮮枝竹枝竹口感嫩滑，豆味香濃，打邊爐吸湯一流皇帝菜新鮮碧綠嘅皇帝菜，好爽脆烏冬稻庭烏冬好滑溜，口感Q彈，吸收晒湯底嘅精華