雲南風味 (Closed)

中秋的大魚大肉過後，想食啲清淡啲的野，我決定去食麵，但係又唔想太普通所以去食雲南米線。係間故色故香的舖頭我一定要食啲經典的野，佢地有個過橋米線，佢一來就有幾碟配料，一碗煮好咗的麵同一碗好熱的湯；個伙計用好熟練的手勢將啲麵同配料好快咁放咗落個熱湯到，用湯的熱力將啲配料正熟；食果陣啲配剛剛熟，味道好清新又爽脆，啲麵就比啲湯番熱咗，仲係好Ｑ，好好味。佢有佢地的紅油炒手同湯雲吞都好好食。紅油炒手比一般辣啲，因為佢地係正宗的雲南菜嗎，啲雲吞個皮好薄給收咗個辣汁，食落去辣到出汗；所以要encore，不過今次唔係辣係清湯，但係個清湯就無乜特別，都係個雲吞好食。呢到有好多特色的小食，今次先來試下炸臭豆腐同炸魚腐。個炸臭豆腐係一口一個，佢又無乜臭豆腐味，但係有樽南乳比你點，個味道就變得好特別，有咸香味。個炸魚腐的食味好出，炸咗又好香好，讚。有機會我會再來食，因為佢仲有啲用羊做的食品，冬天食就最啱。