樂天經典 (Closed)

樂天皇朝呢個品牌嘅餐廳其實青衣都見過，之前望過個餐牌都覺得比較貴，所以一直都冇試過呢個品牌嘅餐廳。今日有同事建議嚟呢間樂天經典試吓粵菜，就抱住試一試冇壞嘅心態試吓。唔知係咪呢間鋪新開嘅關係，中午時間客人唔係好多。呢間鋪裝修都幾華麗，又有嬰兒座椅，應該好適合一家人晚飯。今日其實都叫咗幾樣廚師推介嘅菜式，包括「龍虎燴」同埋「古早魚香老鼠粉煲」，但係我今次反而好想介紹兩個看似普通但係好好味嘅菜式。「荔枝咕嚕肉」小編我本人真係好鍾意食咕嚕肉，不過坊間啲餐廳10間有8間都唔好食嘅，今次樂天經典嘅呢個咕嚕肉令我眼前一亮，咕嚕肉個皮炸得好脆，肉質又軟硬度適中，個汁酸酸甜甜味道啱啱好，真係好耐冇食過咁有水準嘅咕嚕肉!「菜香鐵板豆腐」呢個鐵板豆腐上面啲肉碎汁好好味，豆腐外皮係炸過，非常香，中間就係白白滑滑，呢個餸撈飯真係一流。小編覺得呢間粵菜餐廳真係好適合同屋企啲長輩嚟試一試。