Street Meat (Closed)

行過雲咸街，見到有個地鐵站牌，去過New York既朋友認得係Prince Street站，原來係一間餐廳既入口，都幾有心思喎！小店面積唔係好大，入面提供既飲品同食物亦唔算好多，但從餐牌上睇到食物以唔同地區命名，我諗係想食客即時分到每款出品既唔同特色。見到唔少都屬於經典街頭小食，今次就試住其中兩款先。Midtown Halal Chicken Bowl ($78)一上枱已聞到好香濃的中東香料味，問問廚師原來是用香滑雞腿肉加上香料慢煮兩小時，唔怪得咁香啦！煎香雞腿肉之後再加特製乳酪汁，下層舖滿黃薑飯同生菜，可以話係一款好有地道風味既美食。Nolita Habana Grilled Corn ($48) 係有名既墨西哥菜，將香甜粟米燒香後在面層舖滿芝士及辣粉等，有齊酸甜香辣，相當滋味。