王子廚房 (Moved) New Location

去到荃灣，經常都會食王子廚房。由佢係荃昌中心食到佢搬左去車房附近都經常去食。可能食到老闆都認得我地😂。因為佢啲菜式比較特別，第二度食唔到，而且賣相靚又好味，性價比又高，所以我會推介朋友去食。經常食佢唔同既菜式，今日就試下佢話限量供應既兩個餐。C & F餐。之前餐湯有紅湯同白湯選，今晚冇紅湯揀。我平時飲紅湯多啲，因為紅湯感覺好足料同埋健康。而今晚既餐湯係南瓜粟米湯，都幾好飲，粟米好飽滿😋。雞脾扒煎得好好，其中兩塊煎得特別脆，脆到連皮食左都唔覺。好味。忌廉通粉都幾好，平時唔多鍾意食通粉既我都會食晒。至於口袋夾餅入面塞左健康既生菜同蕃茄，都幾吸引，但size太大，上Facebook 睇以為好細，冇諗過咁大份，所以就算我咁大食都食唔晒😅。石班手造意大利蛋麵，賣相好靚。我成日覺得手造麵好西利，因為係人手造💪🏻💪🏻。所以要試下佢，但食完又唔係我想像中咁好味。感覺有少少似伊麵，但石班片幾好味。最搞笑既係隔離左右都係叫呢兩個餐😂。