明新鐵板咖哩皇

Open Now

Now Closed

在大埔工作，好多時都係叫外賣，在大埔中心係好多外賣選擇，而我叫外賣通常會叫呢間餐廳，佢地Ｄ外賣好夠味道，而且多數好快送到，大元村離大埔中心都好近啦。經常會收到佢地新外賣單張，佢地每半個月轉一次，每個日子都有特價外賣飯，而今日14號係係呢幾個選擇啦。澳門鮮茄豬扒芝士意粉：呢個係我必食，豬扒炸過而且好夠味，厚薄適中，味道亦好地道，一流好過某集團Ｄ焗豬扒飯越食越薄，我道常會食意粉，好好味，另外佢地又有個必食牛魔王芝士焗飯，不過又係半個月輪一次，所以半個月道常食為左佢呢兩個飯，我多數會叫佢地Ｄ外賣，因為太正啦。除左凍飲加2蚊外，價錢係42蚊一個包晒外賣餐盒啦，仲有例湯餸，佢個中湯唔太多味精，雖然點都有小小味精，但唔咸，味道幾好。在大埔中心附近做野我推介呢一間外賣，食過好多間都唔夠鑊氣，呢間最夠鑊氣啦，試過先會知。