Video
Read full review
2019-01-16
278 views
Euro go go係我嘅食堂, 通常諗唔到食乜都會去食呢間, 所以之前都已經試過唔少款式嘅野食。呢間分店無論晏晝定夜晚一樣好多人, 所以黎到嘅時間都有心理準備室內嘅座位會full. 如果坐outdoor嘅話, 佢會將你張單轉外賣, 同埋落單時會俾一個提示器你, 當野食準備好就會響, 提醒你要入返室內攞野食。叫咗半份鮮蕃茄牛油果薄餅($50)、一份煙肉芝士薯皮($45)同埋一份菠菜汁龍脷柳闊條麵($68), 等咗大概15分鐘先有得食。講咗薄餅先。當你咬落去有鮮蕃茄部份嘅時候, 你只會食到蕃茄味, 因為佢嘅酸甜味完全蓋過牛油果嘅味。如果只係咬到只有牛油果嘅部份, 食到嘅牛油果味都係偏淡。如果係牛油果愛好者, 應該會唔夠喉。薄餅屬於薄批嘅類型, 餅邊似餅乾, 食落都幾脆。煙肉芝士薯皮係三款野食入面最好食嘅, 雖然係咁, 但45蚊嘅價錢我覺得唔太抵食。薯皮表面有一層烤過嘅芝士, 但當你咬落去嘅時候, 會有啲茄汁咇出黎。芝士同薯皮嘅組合基本上都好合大眾口味, 就算求其整都會整得好食。食菠菜汁龍脷柳闊條麵記得要搞拌下, 如果唔係底層嘅闊條麵掛唔到汁。可能落咗菠菜嘅關係, 個汁雖然有混入芝士, 但
講咗薄餅先。當你咬落去有鮮蕃茄部份嘅時候, 你只會食到蕃茄味, 因為佢嘅酸甜味完全蓋過牛油果嘅味。如果只係咬到只有牛油果嘅部份, 食到嘅牛油果味都係偏淡。如果係牛油果愛好者, 應該會唔夠喉。薄餅屬於薄批嘅類型, 餅邊似餅乾, 食落都幾脆。
半份鮮蕃茄牛油果薄餅
$90
26 views
0 likes
0 comments
煙肉芝士薯皮係三款野食入面最好食嘅, 雖然係咁, 但45蚊嘅價錢我覺得唔太抵食。薯皮表面有一層烤過嘅芝士, 但當你咬落去嘅時候, 會有啲茄汁咇出黎。芝士同薯皮嘅組合基本上都好合大眾口味, 就算求其整都會整得好食。
煙肉芝士薯皮
$45
37 views
0 likes
0 comments
食菠菜汁龍脷柳闊條麵記得要搞拌下, 如果唔係底層嘅闊條麵掛唔到汁。可能落咗菠菜嘅關係, 個汁雖然有混入芝士, 但食落都唔算太咸。龍脷柳嘅份量都唔算多, 一碟大概只有四粒, 闊條麵嘅質感啱啱好, 唔會過硬過軟。
菠茶汁龍脷柳闊條麵
$68
37 views
0 likes
0 comments
另外, Euro go go嘅所有餐具, 無論外賣定堂食都係即棄, 非常唔環保, 呢一點值得改善。
Post
