龍亭

最近我去咗一間好出名嘅鐵板燒餐廳，佢經常好full，真係book到好耐終於比我book到啦😊😊首先，我試咗佢哋嘅黑毛豚肉，🥹個豚肉真係鮮嫩多汁，煎得好好，外層微焦，內裏保持住肉質嘅原汁原味。😍咬落去油脂與肉質結合得恰到好處，令人想再多食幾塊。🤪再之後就係A5和牛五成熟，😍呢個真係無話可說！肉質極品，入口即化，完全冇任何筋膜，味道濃郁，搭配少量蒜粒就已經好好味，仲有一個解油膩嘅蘑菇頭，係用蘿蔔去做嘅，仲有手磨嘅芥末，真係一啲都唔辣😆😆真係唔需要太多調味，和牛本身就已經係一個極品🥰👍🏻然後，我試咗新鮮生蠔，😉佢哋嘅生蠔好新鮮，海水味十足，配上少少檸檬汁，真係一口下去，感覺好清新，絕對係開胃之選。😚燒鵝肝配蘋果蓉亦令人印象深刻，鵝肝燒得剛剛好，🥹外脆內滑，加上甜甜嘅蘋果蓉，口感非常豐富，甜中帶咸，整體平衡得好好。🥰鮑魚就更加唔使講，鮮味十足，配搭少量醬油，咬落去肉質彈牙，完全冇腥味，真係令人驚喜。😍而帆立貝燒配蝶豆花空氣感泡沫醬，更加驚艷，泡沫醬清新，帶有一點淡淡嘅花香，與帆立貝嘅鮮味相得益彰。😛最後，我哋仲試咗海鮮炒飯，飯粒分明，炒得非常香，海鮮新鮮，真係一碗完美嘅炒飯，食完之後完全無負擔