Video
Read full review
2015-09-04
2009 views
因小妹想食Pizza 加炸雞, 最初好習慣咁諗住叫 "Pizza 克", 但套餐無炸雞要散叫, 加加埋埋發現都唔平, 突然諗起呢間脆味批, 咁就一於試吓呢間啦。電話好快接通, 唔駛點等, 點餐時個姐姐又會提醒你要加錢既項目, 雖然唔係超有禮貌嗰種但語氣都好好。我接近12點打電話, 佢話要1點15分前送到, 其實我預咗要等一個鐘, 所以都ok, 結果佢係1點鐘送到。餐具得5隻义, 可以加多把刀畀我哋切pizza會好啲囉, 無提供膠手套。我要咗個大胃B餐 加 芝士蘑菇焗薯蓉。蘑菇忌廉湯 - 有啲似罐頭湯, 不過都幾香幾滑。Pizza - 我加$12要咗五十五十, 一邊世外桃源, 一邊千島海鮮。Pizza 涵料好豐富, 芝士份量亦好足夠, 勝過越唻越小涵料又無乜芝士既 "Pizza 克"。炸雞 - 炸雞好大件, 而且係我鍾意既脆皮炸雞, 外皮夠脆之餘, 雞肉仲好滑同有汁, 4個女士一致認為好食過 "上校伯伯" 啲炸雞, 但我個人認為有小小炸過火, 顏色黑咗啲, 而且調味方面做得未夠, 淡咗啲, 要點啲茄汁會好味啲。吉列海鮮籃 - 黃金炸蝦卷用既係細細條玻璃蝦, 完全無蝦味, bad。炸蟹鉗
電話好快接通, 唔駛點等, 點餐時個姐姐又會提醒你要加錢既項目, 雖然唔係超有禮貌嗰種但語氣都好好。我接近12點打電話, 佢話要1點15分前送到, 其實我預咗要等一個鐘, 所以都ok, 結果佢係1點鐘送到。餐具得5隻义, 可以加多把刀畀我哋切pizza會好啲囉, 無提供膠手套。
我要咗個大胃B餐 加 芝士蘑菇焗薯蓉。
蘑菇忌廉湯 - 有啲似罐頭湯, 不過都幾香幾滑。
Pizza - 我加$12要咗五十五十, 一邊世外桃源, 一邊千島海鮮。Pizza 涵料好豐富, 芝士份量亦好足夠, 勝過越唻越小涵料又無乜芝士既 "Pizza 克"。
炸雞 - 炸雞好大件, 而且係我鍾意既脆皮炸雞, 外皮夠脆之餘, 雞肉仲好滑同有汁, 4個女士一致認為好食過 "上校伯伯" 啲炸雞, 但我個人認為有小小炸過火, 顏色黑咗啲, 而且調味方面做得未夠, 淡咗啲, 要點啲茄汁會好味啲。
吉列海鮮籃 - 黃金炸蝦卷用既係細細條玻璃蝦, 完全無蝦味, bad。炸蟹鉗內只有魚肉, 一啲蟹肉都無, bad bad。我無食到炸蠔, 但眼見無乜蠔肉······。雖然我對呢個海鮮籃無咩期望, 但都依然失望, 絕無下次。
芝士蘑菇焗薯蓉 - 已經太飽, 我無食到。
Post