Video
Read full review
2021-08-02
157 views
💛#黃店早排其實佢都幾出名因為被稱為窮人恩物，一個飯只需要36蚊而且味道相當有質素，前身其實叫曼谷水門海南雞飯，但最近改咗名叫做粉紅水門雞，旺角觀塘和新蒲崗總共三間分店。老實講如果要比較的話我覺得佢嘅水門雞質素比泰國過江龍間水門雞飯好食好多😂見筷子套都係粉紅色包裝咗😛👓粉紅水門雞飯 $36雞肉份量其實正常，不過勝在雞肉好嫩滑而且幾香雞味唔會好淡，見到佢嘅雞皮都比較橙黃色，有青瓜片墊底。雖然就咁食雞肉已經好夠味，但有泰式醬汁附上。幾欣賞個油飯，見佢好淺色有別於平時出面黃色嘅雞油飯，食落係美美的雞油味唔會好肥膩，反而明顯好多香茅等香料，食完唔會有罪惡感😛評分：8/10👓正宗滷水豬手飯 $36幾大兜白飯，因為佢有滷水醬汁所以配上白飯已經足夠，如果油飯可能會漏。滷水汁幾入味唔會太甜，豬手份量算多啊而且炆得好淋入味，唔會話太多皮好肥。有一隻雞蛋仲要係溏心蛋中間軟熟😚旁邊有榨菜。呢個價錢來講cp值高，而家茶餐廳都唔只呢個價錢啦😅海南雞啲肉嫩滑油飯好食，滷水豬手啲肉又好食，所以兩者都各有特色好食。評分：8/10👓青木瓜沙律 少辣 $12似泰式酸辣汁的確少少辣，食得辣會覺得惹味，當中亦有花生粒。木瓜絲
早排其實佢都幾出名因為被稱為窮人恩物，一個飯只需要36蚊而且味道相當有質素，前身其實叫曼谷水門海南雞飯，但最近改咗名叫做粉紅水門雞，旺角觀塘和新蒲崗總共三間分店。
老實講如果要比較的話我覺得佢嘅水門雞質素比泰國過江龍間水門雞飯好食好多😂
見筷子套都係粉紅色包裝咗😛
👓粉紅水門雞飯 $36雞肉份量其實正常，不過勝在雞肉好嫩滑而且幾香雞味唔會好淡，見到佢嘅雞皮都比較橙黃色，有青瓜片墊底。雖然就咁食雞肉已經好夠味，但有泰式醬汁附上。幾欣賞個油飯，見佢好淺色有別於平時出面黃色嘅雞油飯，食落係美美的雞油味唔會好肥膩，反而明顯好多香茅等香料，食完唔會有罪惡感😛
評分：8/10
👓正宗滷水豬手飯 $36幾大兜白飯，因為佢有滷水醬汁所以配上白飯已經足夠，如果油飯可能會漏。滷水汁幾入味唔會太甜，豬手份量算多啊而且炆得好淋入味，唔會話太多皮好肥。有一隻雞蛋仲要係溏心蛋中間軟熟😚旁邊有榨菜。呢個價錢來講cp值高，而家茶餐廳都唔只呢個價錢啦😅
海南雞啲肉嫩滑油飯好食，滷水豬手啲肉又好食，所以兩者都各有特色好食。
評分：8/10
👓青木瓜沙律 少辣 $12似泰式酸辣汁的確少少辣，食得辣會覺得惹味，當中亦有花生粒。木瓜絲可能俾醬汁浸淋左少少所以覺得可以再爽口啲。
評分：7/10
👓芒果糯米飯 $18平時出去食一個閑閑哋起碼三四十蚊，所以呢個價錢真係好抵，雖然一碗仔份量好似唔多，不過始終係糯米飯一碗已經好滯，而且依個價錢個人覺得已經好好！
其實芒果份量唔算好多係薄切片不過真係好甜，糯米飯分別有兩種：紫糯米+普通白糯米飯，好軟熟吾會太淋或太硬，足夠椰汁，同埋佢係叮熱番先上枱所以糯米飯熱辣辣👍🏻我另外再買左兩兜返屋企，佢就雪櫃拎比我無叮😚
評分：8/10
👓凍陳年柑桔蜜 $12👓冷泡白桃烏龍 無糖 $8
👓冷泡炭焙烏龍 無糖 $8
其實8蚊都幾經濟因為都大支而且係膠樽可以拎走唔一定要堂食飲晒，不過如果嗌糯米飯的話唔叫飲品都好滿足。金橘檸檬真係有少少金橘香甜味唔算話特別酸甜，但個人最喜歡冷泡白桃烏龍，明明好香白桃味但飲落又唔甜，比較重烏龍味。
Post
