Video
Read full review
2014-02-07
2038 views
曾幾何時, 呢度係我同屋企人嘅食堂, 因為價錢平, 味道好, 而且附近勁多 "咪錶", 絕對方便駕駛人士 ^^ 呢度不論假日定平日, 都見其門如市… 就算訂咗位, 有時嚟到都仲要等…今日行街行到攰攰哋, 大概五點幾六點, 家人提議食早飯, 順便歇一歇… 一輪相議過後, 我哋決定嚟呢度搏一搏, 咁早應該有位嘅 ^^ 哈哈, 不出我哋所料, 六點去到真係仲有位… 不過十五分鐘過後, 已有好多客人魚貫入場… 哈哈, 生意真係旺!!我哋今晚點咗幾味小炒, 首先出場嘅係酥炸墨魚餅 ^^ 外面炸到金黄酥脆, 內裏嘅墨魚肉又勁彈牙, 美味可口!! 呢個小食係我哋一家人嘅必點美食 ＼(^o^)／跟住出場嘅係沙嗲串燒 (4串雞, 4串羊), 串燒燒得好香, 充滿炭燒嘅口感, 而且肉質鮮嫩又多汁, 配埋惹味嘅沙嗲醬, 真係令人停唔到口 ^^緊接出場嘅馬拉盞炒椰菜苗 ^^ 其實馬拉盞本身已經好香口, 好惹味, 配上爽脆嘅椰菜苗, 簡直冇得彈!! 菠蘿炒飯 ^^ 原個菠蘿上, 充滿泰式風情! 而且內裏夾雜不同嘅海鮮, 為炒飯增添味道 & 色彩! 不過今晚嘅炒飯味道有點淡, 冇以前咁好食…最後出場嘅係炒貴刁 ^
今日行街行到攰攰哋, 大概五點幾六點, 家人提議食早飯, 順便歇一歇… 一輪相議過後, 我哋決定嚟呢度搏一搏, 咁早應該有位嘅 ^^ 哈哈, 不出我哋所料, 六點去到真係仲有位… 不過十五分鐘過後, 已有好多客人魚貫入場… 哈哈, 生意真係旺!!
我哋今晚點咗幾味小炒, 首先出場嘅係酥炸墨魚餅 ^^ 外面炸到金黄酥脆, 內裏嘅墨魚肉又勁彈牙, 美味可口!! 呢個小食係我哋一家人嘅必點美食 ＼(^o^)／
跟住出場嘅係沙嗲串燒 (4串雞, 4串羊), 串燒燒得好香, 充滿炭燒嘅口感, 而且肉質鮮嫩又多汁, 配埋惹味嘅沙嗲醬, 真係令人停唔到口 ^^
緊接出場嘅馬拉盞炒椰菜苗 ^^ 其實馬拉盞本身已經好香口, 好惹味, 配上爽脆嘅椰菜苗, 簡直冇得彈!!
菠蘿炒飯 ^^ 原個菠蘿上, 充滿泰式風情! 而且內裏夾雜不同嘅海鮮, 為炒飯增添味道 & 色彩! 不過今晚嘅炒飯味道有點淡, 冇以前咁好食…
最後出場嘅係炒貴刁 ^^ 炒河好薄好滑, 口感一流, 而且味道夠濃, 惹味非常!!
因為上菜都好快, 我哋喺一個鐘頭內已經用膳完畢! 叫咗埋單, 侍應就一如既往咁自動送上免費甜品 - 椰汁大菜糕 ^^ 呢個甜品亦係我哋嘅最愛之一, 因為清甜不膩, 食完後覺得好舒服~
七點鐘離開餐廳, 已見為數最少十人喺度等緊位… 平日星期四晚都要排隊, 真係旺得有點誇張!!Post
