諾亞半熟蛋糕專門店 (Closed)

爸爸生日，少不了要買個蛋糕賀一賀佢。平時買蛋糕成日都會幫襯美心、東海堂，但今次就決定買諾亞半熟既蛋糕慶祝。尖沙咀分店既諾亞半熟蛋糕專賣店開係誠品入面，即刻提升書卷味。大概下午6點去到，蛋糕款式已經所剩無幾，好多口味都已經賣曬，好彩一直想揀既芒果流心半熟蛋糕（$139）仲有得買，所以最後就毫不猶豫咁買左返屋企。蛋糕其實幾大個，而且滿佈芒果，非常吸引。拎出室溫一陣之後就已經可以達到半熟流心效果。芝士味道非常突出，有少少蓋過左芒果既香甜，不過好彩有面頭滿佈既芒果，先不至於被搶去主角既光環。整體味道稱不上有驚喜，但價錢的確經濟實惠，呢個size黎講，其實平過美心同埋東海堂，呢個芒果半熟蛋糕亦有自家製homemade既感覺。而最重要既係，爸爸亦都好滿意呢一個蛋糕。