八番屋 (Closed)

八番屋位於大埔新達廣場，距離大埔墟港鐵站只需2-3分鐘路程，除咗位置方便外，餐牌選擇多而且價格經濟實惠，可以單點亦有抵食二人餐，我地揀咗有兩個主食、一客串燒盛盒、無酒精特飲同甜品，人均消費都只係$150左右😆串燒盛有4串指定串燒，包括牛柳串、雞翼、雞軟骨、雞腿肉串，完全唔係hea 嘢，食落有碳燒味，好香口而且有肉汁唔會過乾👍🏻最愛雞腿肉串，啖啖肉太滋味😋主食五選二，除咗芝士燒牛肉丼同鰻魚玉子丼要額外加$10，餘下仲有三款拉麵沾麵🍜可以選擇👍🏻雞肉野菜拉麵 （豚雞鹽味）用上雞胸肉片同大量野菜配上豚骨雞白湯，拉麵偏粗掛湯力高，建議可以先食一半再加入七味粉，咁就可以一菜二食😎直源叉燒沾麵份量十足，仲有兩大片肥瘦適中嘅日式叉燒、半隻糖心蛋超吸引🤩，唔好見佢碗湯細細碗咁，其實已經好足夠，而且用上粗拉麵可以掛滿豚骨濃湯😍櫻花🌸福餅一客有四件，細細件和菓子上面仲有鹽漬櫻花，鹹鹹地又可以平衡白豆沙嘅甜味😋二人套餐仲可以揀任選無酒精特飲🤩雜果賓治、水果乳酸梳打麵任選，大大杯透心涼😎