新香園

Open Now

Now Closed

今日係深水埗踢完波，就順便係附近塭左間餐廳同 D 朋友吹下水聚下舊喇。朋友就帶左我去幫襯一間佢話蛋牛治好出名既餐廳 「新香園」。坐低左之後睇睇個餐牌，餐廳食物收費好平，估唔到依家重會有咁平既麵食，一碗都只係 22 蚊。所以我除左叫了招牌菜蛋牛治之外重叫了一碗柱候牛腩麵。蛋牛治同柱候牛腩麵份量都好足料，雖然蛋牛治好大份但就無朋友講到咁好食，而柱候牛腩麵就不錯。如果以呢個價錢可以食到 D 咁既質素既食物，其實性價比已經好高。