筷子記

Open Now

Now Closed

好幾年前係中環番工, 成日幫襯筷子記, 因為佢係中環區既打工仔恩物, 三十幾蚊已經有3餸麵, 真正經濟實惠。晚市重開既第一餐, 係中環買完野, 特登走過去, 為既只係食番幾年前既回憶~~ 特別d既係依度唔係車仔麵咁簡單, 係可以揀撈麵, 沙茶醬撈粗就係我心目中既第一位, 皆因佢個沙茶醬辣辣地, 濃郁又惹味, 餸一面揀左澳門包心卷, 食落有d似淋身魚蛋, 沙茶醬魷魚爽口, 麻辣豬頸肉都幾入味! 另+$15點左份即炸豬扒, 岩岩炸起d邊位仲脆脆地, 大塊又厚身亦唔會韌, 食落係好夠喉既! 食食下想加辣, 問店員拎左個麻辣油, 加埋落個麵度撈更香更好食, 中意食辣既人應該都會喜歡!最後食完飲番杯無花果蜜, 香甜味道一洗口腔既油膩感同辣勁。