金記冰室 (黃大仙中心南館) (Under Renovation)

今日係黃大仙拜完神見有點肚餓，同屋企人去附近餐廳醫肚。下午茶時段人流唔多，不用等位直接入座。茶餐廳有下午茶套餐包飲品，價錢經濟實惠。我同屋企人2人叫左3個套餐share!金牌乾炒牛河$47牛肉大大塊而且份量多，河粉條條分明唔會一舊舊，味道茶餐廳鑊氣夠，叫小炒一定唔會輸。無冰奶茶+$5用冰鎮奶茶，唔會溝稀奶茶味道，啖啖茶葉香味。XO醬豬扒炒即食麵$47用XO醬炒即食麵，炒得均勻，而且豬扒份量多，十分抵食。炸雞髀薯條生炸雞髀，非常脆口，出面餐廳少有！