越好

Open Now

Now Closed

呢間越南菜夠抵食，所以都幾多人。7:30pm 去到幾好生意，等位等左20分鐘左右。二人餐$168 包兩款指定主食、兩款小食及兩杯飲品！二人餐嘅指定主食如果唔啱，想食其他主食，就可以加$8轉。▶️招牌生牛肉湯檬牛肉夠多又大塊，肉質唔錯。湯檬都幾好食，有芽菜、芫荽。有辣椒青檸俾你調味。▶️越南春卷撈檬春卷有5件都幾多，夠香脆幾好食！撈檬夠凍，加埋魚露算幾好！▶️炸蝦餅 有4件，扁平圓形，點埋甜辣醬唔錯。▶️蝦醬雞中翼有4隻，炸得金黃香脆，蝦醬味食落似南乳味，幾惹味～▶️飲品鹹檸七、青檸梳打兩杯都好飲！