漁匠料理 (Closed)

因為探親戚既關係泥到上水，一行人決定去醫醫肚，就比我發現左呢間日本野。餐廳門面太暗既關係令我以為冇開門😂望真d入去原來都有客人食緊野。我地先系門口睇下餐牌有咩岩食，見到價錢都系接受範圍之內所以決定試下。餐廳內部好有日本味道，水吧既裝飾色彩繽紛，令食客更有食慾。我呢個拉麵系豬骨湯底，配料有雞蛋、叉燒同木耳絲。湯底既豬骨味算濃，亦唔會食到好重味精，唔會油膩。配料既叉燒令我好驚喜，大大塊好夠肉，而且唔會太肥，屬於瘦既類別。木耳絲則系好爽口😆個人覺得主角系個溏心蛋😻拉麵配有溏心蛋，蛋白好嫩滑，蛋黃亦非常流心。而且系整隻蛋上，呢樣真系好難得阿！跟餐有小菜，中華沙律好爽口，配上芝麻更香，味道滿意。除咗前菜外，拉麵餐仲附送壽司(因為我同屋企人叫同一個餐所以先各有2件壽司，正常系向一件)。不過壽司飯既醋加得有點多，令到酸味過重。魚生冇話特別鮮味，不過質量尚算新鮮。最後亦配有餐飲，我點左柚子蜜，不過味道唔夠濃，有d淡，建議多加柚子蜜唔好浪費左杯野飲。整個拉麵餐既小菜同飲品都好豐富，推介大家午餐泥試下。